Ek het die een resep na die ander probeer maar net nie reg gekom nie. Wel die Fudge resep het skoonma my geleer en is die eerste fudge wat ek reggekry het. Wonder bo wonder het dit heerlik uit gekom dat ek self amper alles alleen geniet het.
Fudge to die for...
Jy benodig:
400 g suiker (500ml)
55 ml botter
397 g kondensmelk
135 ml water
60 ml gouestroop
5 ml vanielje geursel
1. Meng suiker en water in swaar kastrol en roer oor lae hitte tot suiker opgelos is.
2. Voeg botter en stroop by. Roer tot botter smelt.
3. Voeg kondensmelk by en roer tot kook.
4. Kook vir +/- 25 min tot by sagtebalstadium.
5. Roer af en toe.
6. Laat afkoel tot louwarm en voeg vanielje geursel by.
7. Klop mengsel tot romerig.
8. Gooi beslag in gesmeerde glas bak.
9. Sny in blokkies voor dit heel afgekoel is.
No comments:
Post a Comment